Zindagi... (Hindi Poem)

Zindagi, Zara Theher Jaa Tu..

Tere Tham Jaane Ke Intezaar Mein Hu.

Suna Hai, Chaar Din Hi Saath Hai Mere..

Guzarish Hai Tujhse, Waqt Dheema Karde..

Subah Ki Kiran Ko Rakhna Hai Paas,

Dhundna Hai Usme Chhupe Sunehre Raaz..

Woh Dopeher Ki Dhoop Se Bachna Hai,

Teri Hi Chhaav Mein Sukoon Se Baithna Hai.

Jab Ghol De Aasuon Ko Tere Saat Rang,

Phir Shaam Ki Hasi Jeena Hai Apno Ke Sang..

Mausam Jo Saavan Ka Aaye, Bheeg Jaana Hai..

Boondo Se Khel, Har Naav Paar Lagaana Hai!

Dekh Chaand Aur Taaro Ka Raat Mein Yaarana..

Chaandni Mein Chhup Jaata Hai Andhera Saara..

Aisa Hai Jeevan, Kyun Ho Gaya Hai Gum Ab?

Kuch Der Saath Baith Sabhi Gungunayenge Kab?

Padh Kar Kahin Rakhe Honge Paigaam Sabhi..

Intezaar Hai Koi Khat Kisi Ke Liye Aayega Kabhi!

Keh De Sirf Paisa Hi Khushiyon Ki Wajah Nahi Hai,

Unhi Kaagazo Se Sirf Tera Wajood Nahi Hai..

Jinhe Jeene Ko Karta Hai Dil, Asal Nazaare Nahi..

Pukaarti Hu Zindagi Tujhe, Tu Rukti Hi Nahi!

Bhul Har Shikwa, Jeena Phir Samjha De Tu..

Tere Laut Aane Ko Mein Har Pal Tarasti Hu!

***

Hope you all liked it :)

-Sakshi Shah.